كرسي الاعتراف

موضوع: رد: كرسي الاعتراف 13/12/2007, 12:44

شكراً ساحر ..

خطوتي مستقبلية إني أكمل تعليمي وأسافر ...
أهم من كل شي .................................

موضوع: رد: كرسي الاعتراف 13/12/2007, 14:24

والله هلا كونتيسه انت وقعتي ولا الهوا رماك ههههههههههههههههههههانا عندي اشويه اسئله بس بدك تتحمليني اول سؤال : شو بتعنيلك كلمه ادم (الرجل )؟2- شو اكثر شي بتكرهيه في ادم ؟شو اكثر شي بتحبيه في ادم ؟المواصفات المثاليه لشريك الحياه الزوجيه؟شو رايك بدور حوا هل اصبحت متسلطه ؟شو رايك بقانون الخلع ؟شو رايك بالرجل المخلوع ؟

موضوع: رد: كرسي الاعتراف 13/12/2007, 14:31

مرحبااااااا
الله يسامح هالزمن يلي خلاك تقعدي على هالكرسي
الله يخونهم هلي جاروا عليكي
من زمان بستنى هاي اللحظة صح ولا لا
على كلا شكرا يا زلمتنا اسير على الوحدة

بما انو كنا انا وانتي على تحدي مين حيكون على الكرسي ؟
وهلا انتي طلعتي الخسرانه بالموضوع صح
اول سوال ايش السوال الاول يلي كنتي بدك تساليني اياه اذا انا جيت محلك
وثاني شي شو شعورك لما فتحتي المنتدى ووجدت نفسك بالموقف ؟
معلش بدنا الاجوبة صرااااااااااااااااااااااااااحة ؟
واذا في مجال خليني اتعمق شوية بالسوال اسمحيلي ؟؟؟
شو رايك بالشباب بشكل عام ؟
رايك في الحب بشكل عام ؟
اخر علاقة حب كنتي فيها قبل كم ؟؟؟؟؟؟

شو اكثر موقف ازعلتي منو في حياتك ؟؟؟

اكثر موقف فرحتي الو في حياتك؟؟؟؟
شو رايك بالصداقة ؟؟؟؟؟
بما انو في زعل بالمنتدى بينك وبين بعض جماعة ؟؟؟

موضوع: رد: كرسي الاعتراف 13/12/2007, 15:25

شكرا أنا بدي أبدأ مع الإمبراطور وكل التحية لك ...

شو بتعنيلك كلمه ادم (الرجل ) ؟
أكيد بتعني كتير ...
بتعني الحب ... الأمان ... الحنان ... والإخلاص بعض الأحيان ... وبتعني الخوف ... القلق ... الحرمان ... والخيانة .................

شو اكثر شي بتكرهيه في ادم ؟
أكثر شي بكره فيه الخيانة والتلاعب بمشاعر البنت ..

شو اكثر شي بتحبيه في ادم ؟
الشي إللي بحبه في آدم الحنان والأمان لأني إنحرمت منهم من ناحية الأب ... بقصد ...............

المواصفات المثاليه لشريك الحياه الزوجيه ؟
الشي إللي بطلبه من شريكي إنه يحبني متل ما أنا بحبه ...
وأكيد مواصفاته :
أنه يكون صاحب الأخلاق ...
إنه يكون حنون ...
وأهم شي الحب يا جماعة ...

شو رايك بدور حوا هل اصبحت متسلطه ؟
حوا متسلطة من يوم يومها ...
بس إدم كمان متسلط ..
ورأيي بدور حوا .. أكيد حوا عظيمة ولها دور فعّال في المجتمع ... ومتل ما بيحكوا وراء رجل عظيم إمرأه ..........................

شو رايك بقانون الخلع ؟
أكيد أنا مو مع هاد القانون ... بس أحياناً المرأه بتتجه لهاد القانون حتى تنفصل وتتخلص من زوجها في حال ما تركها عن طريق الطلاق ...

شو رايك بالرجل المخلوع ؟
الصراحة ما بعرف بس رأيي إنه عادي ما في مشكلة إنه الرجل ينخلع ...
يعني متله متل الرجل المطلق ما في أي فرق .......

موضوع: رد: كرسي الاعتراف 13/12/2007, 20:07

السوال الثاني
هل هناك اي مشروع خاص وجديد خلال الايام القادمة مع انو تم تاجيل العيد الى اشعار اخر

موضوع: رد: كرسي الاعتراف 13/12/2007, 21:51

السوال الثالث والاهم وبصراحة

من أنـــــت .............؟

باقة ورد لمن تهديـــها.....؟

باقة شوك لمــن تهديـــها......؟

اســـوأ خـــبر سمعته............؟

شخــــص لا ترفـــض له طلـــب...؟

من يـــــطربـــــك في الكلام ... ؟

من هو تــــوأم روحـــــــــــك.....؟

ما هي التجربـــه التي تتمنى الا تتكرر..؟

ما هو اكثر شئ تخشــــاه....؟

ما الذي يشعرك بأكثر قدر من الحرج........؟

نـــزار شاعر المرأة وانت شاعر من...؟

حمامة زاجل استقرت على نافذتك تحمل رسالة من مجهول فمن تتمنى ان يكون؟

جريمة تتمنى ارتكابهــــــا.......؟

صورة صغيرة وجدار نظيف ماذا سترسم عليه وماذا ستكتب تحت الصورة ؟

كلمة اخيـــرة ...... بعد ان أصابك الملل............

لست ملزمة بالاجابة على الاسئلة
اذا كانت اسئلة خصوصية

موضوع: رد: كرسي الاعتراف 14/12/2007, 16:51

ياااااااااااهوووووووووووو ياااااااااا جماعة ياااااااااااااا عرب ، ايش في ؟؟ خير شو القصة ؟؟ يعني ما صدقتو والكونتيسة تقعد عالكرسي ؟؟ صلو عالنبي وشوي شوي عليها ، وبالنسبة الي يا كونتيسة مش راح ادايقك با سئلتي وراح اسألك بس يخف الضغط عليكي تحياتي

زائر

مرحبا يا جماعا بدي اسأل الكونتيسة شو اصعب حدث مر عليكي طوال حياتكسؤال ثاني شو بيعنيلك اول يوم دخلتي في الكليةسؤال ثالث شو معنى الحياة بانسبة الك

سؤال رابع مين اكثر واحد بتكرهي من طلاب الكلية وليش

موضوع: رد: كرسي الاعتراف 15/12/2007, 09:26

شكراً يا ساحر الحب ...

راح أجاوب على كل أسئلتك ............

هل هناك اي مشروع خاص وجديد خلال الايام القادمة مع انو تم تاجيل العيد الى اشعار اخر
لا مشاريع جديدة .................

من أنـــــت .............؟
أنا الكونتيسة سالي " سالي علاوي "
طالبة في كلية العروب
تخصص إعلام

باقة ورد لمن تهديـــها.....؟
إلى كل إنسان يحبني ويحترمني ...........

باقة شوك لمــن تهديـــها......؟
إلى كل إنسان يكرهني ويمقتني .............

اســـوأ خـــبر سمعته............؟
بدون مبالغة إستشهاد الرئيس " ياسر عرفات "

شخــــص لا ترفـــض له طلـــب...؟
شخص عزيز على قلبي كتير " أسير الإنتقام "
ولشخص طلبه معقول ...............

من يـــــطربـــــك في الكلام ... ؟
في الكلام ... أستاذي عبدالله مصلح ........

من هو تــــوأم روحـــــــــــك.....؟
لا أحد ...........

ما هي التجربـــه التي تتمنى الا تتكرر..؟
تجربة الخطوبة ...........

ما هو اكثر شئ تخشــــاه....؟
أن أقع في حب إنسان فاشل ............

ما الذي يشعرك بأكثر قدر من الحرج........؟
أن يطلب مني أحد المساعدة ولم أستطيع مساعدته ....

نـــزار شاعر المرأة وانت شاعر من...؟
أولاً أنا لست شاعرة ولو كنت شاعرة لكتبت أشعاري عن الحب والعشاق ........

حمامة زاجل استقرت على نافذتك تحمل رسالة من مجهول فمن تتمنى ان يكون؟
من إنسان لا أستطيع الكشف عن إسمه ....

جريمة تتمنى ارتكابهــــــا.......؟
لا أريد إرتكاب أي جريمة .....

صورة صغيرة وجدار نظيف ماذا سترسم عليه وماذا ستكتب تحت الصورة ؟

حأرسم خارطة فلسطين دون أي خطوط تتوسطها

أولاً : ما أصابني ملل
وتانياً كلمتي الله يسامحك .....

موضوع: رد: كرسي الاعتراف 15/12/2007, 09:33

شكراً هتلر على الأسئلة ....
وهد أجوبتي ...

شو اصعب حدث مر عليكي طوال حياتك
أصعب شي مر لما فسخت خطوبتي ...

شو بيعنيلك اول يوم دخلتي في الكلية ؟
إني حعيش حياة مختلفة في التعليم في الكليةمختلفة عن تعليم المدرسة لكن ما لقيت أي إختلاف ..........

شو معنى الحياة بانسبة الك ؟
الحياة حلوة بس نفهمها ....

مين اكثر واحد بتكرهي من طلاب الكلية وليش ؟
الحمدلله ما بكره حد والله ما يجيب كره ....

موضوع: رد: كرسي الاعتراف 15/12/2007, 11:26

وهاد أجوبه لأسئلة الطير الغالي

ايش السوال الاول يلي كنتي بدك تساليني اياه اذا انا جيت محلك ؟
ليه شايفني مجنونة ... طبعاً ما راح إحكيلك
لما تتفضل مكاني حتعرف أول سؤال حأسئله
ههههههههههههههههه

وثاني شي شو شعورك لما فتحتي المنتدى ووجدت نفسك بالموقف ؟
الصراحة إنصدمت لأني كنت متوقعة إنت بس معلش الدور جاي عليك
يا حضرة الطير 2008

شو رايك بالشباب بشكل عام ؟
الصراحة في شباب هيك وفي هيك
وأكيد أنا بحترم الشباب إللي زي أمثالك وأمثال أسير الإنتقام
وأمثال كل الأعضاء ...............
ويا ريت في منك كتير
كان الدنيا بعدها بخير

رايك في الحب بشكل عام ؟
الحب بالنسبة لي شي كتير كبير ومهم كتير
لأنه الواحد ما في يعيش بدون حب صح ؟

اخر علاقة حب كنتي فيها قبل كم ؟؟؟؟؟؟
آخر علاقة حقيقية كانت قبل 4 سنوات ...............
مع إنه سؤال محرج يا طير ...........

اكثر موقف فرحتي الو في حياتك؟؟؟؟
الموقف إللي فرحت له لما أسير الإنتقام أخد رئاسة المجلس
لأنه بيستحق رئاسة الدولة مو بس رئاسة مجلس .........

شو رايك بالصداقة ؟؟؟؟؟
الصداقة شي حلو كتير كتير وخاصة بين الشب والبنت
مع إنه بعض أعضاء المنتدى ما ب‘يدوا علاقة الصداقة بين الجنسين
لكن أنا بآمن بهاي العلاقة وبحترمها
لأنه الصراحة أحلى شي لما يكون لي صديق بيفهمني وبيحترمني وبشاركني أفراحي وأحزاني
والحمدلله لي أصدقاء كتير منهم القلب الطيب والإمبراطور وأكيد أحلى وأعز صديق أسير الإنتقام ... كل الحب والإحترام لهيك شاب .....................

بما انو في زعل بالمنتدى بينك وبين بعض جماعة ؟؟؟
لا يا طير ما في زعل أبداً بين أي حد وخصوصاً بالمنتدى
لأني حريصة جداً على زعل أصحابي وأحبابي
وبالنسبة ياللي صار بالمنتدى كان مجرد نقاش مو أكتر وبالآخر هاي بضل وجهات نظر
وأنا بحترم وجهة نظر غيري وبتقبلها حتى لو ما كنت مقتنعة فيها بدون أي حزازية .........

وكل الشكر إلك يا أحلى طير 2008 بقصد موديل 2008

موضوع: رد: كرسي الاعتراف 15/12/2007, 11:43

حلوة منك
بالشرف انا بحب الناس يلي بكونوا متلك يا كونتيسة
اخذين الدنيا حلوة
ولازم نعيشها فري
وسوري اذا سبب بعض الاحراجات
ملاحظة معي انك ما جاوبتي على كل الاسئلة تاعوني ؟؟؟
يلا بمشيها
بس مو كتييير
ههههههههههه
بس ما تكوني زعلانه مني للاحراج
بتمنالك ولكل واحد بهالمنتدى الحلو كل خير
واحترامي للجميع
اه بالمناسبة لازم كم سوال عالماشي ؟؟؟
شو رايك ؟
نشوف
شو رايك بالسفر ؟

كيف انتي والغربه او علاقتك بالغربه ؟

حقيقة صفحتي بيضة ولا عمري جرحت انسان اجامل ابتسم للناس وانا كلي اسى واحزان
اقلك كل هالدنيا فداك ؟؟؟
الا مواجعها ؟
عمري لو هديته لك ما بظن تعرف غلاك ؟؟
احلف اني اعزك واشتري بروحي رضاك ؟؟

احلى كونتيسة عالمنتدى

احلى صديقة في المنطقة
اه بعدين شو قصة موديل 2008
بوعدك رح اغير الاسم لاجل قصة موديل عشان ترضي يا ست ؟؟؟
ههههههههه
سلام ؟؟؟
الله يسترها من هالكرسي لانه بصراحة بجيب الواحد في حوض نعنع ؟
ههههههه

موضوع: رد: كرسي الاعتراف 15/12/2007, 11:59

شكرا كتير كونتيسة على صراحتك
اسفين اذا الاسئلة ثقيلة شوي
بس هدا الي بدو يقعد على الكرسي لازم يتحمل
وللللللللللللللللللللللللللللا

موضوع: رد: كرسي الاعتراف 17/12/2007, 14:03

اللك اجمل تحية وكل عام وانت بخير

سؤالي عمرك هلا 21سنة شو عملت اشي خلال هالفترة بتفتخري فية ؟؟
وكم اقصة حب عشتي سوء من طرف او طرفين ؟؟
وهل الحياة تستاهل انو نعطيها كل شيء ؟؟
واذا فكرتي تغيري شيء فيك ماهو عاجبك ايش بكون ؟؟
واذا اتمنيتي في هالحظة امنية لمين بتكون وايش هيا؟؟

موضوع: رد: كرسي الاعتراف 17/12/2007, 18:09

تحياتي للجميع ، انا يا كونتيسة راح اسال سؤال واحد ، مش راح اتقل عليكي ، شو رايك بعلاقة الصحبة والصداقة بين الشب والبنت (مش الحب ) ؟، وشو الحد اللي مش لازم يتعدا الشب والبنت في هيك علاقة (يعني الخط الاحمر متل مابحكو )؟؟وتحياتي الك

موضوع: رد: كرسي الاعتراف 23/12/2007, 10:17

أولا : كل عام وإنتم إنشاالله بألف خير

تانيا : شكرا ملكه مع إنها أسئلة شوي صعبة ....
عمرك هلا 21سنة شو عملت اشي خلال هالفترة بتفتخري فية ؟؟
أولا : عمري 22 سنة ملكه
والشي إللي بفتخر فيه إني لي أصدقاء متلك ومتل ميس الريم وأسير والطير والقلب الطيب وأكيد الإمبراطور وروعه ...........

وهل الحياة تستاهل انو نعطيها كل شيء ؟؟
الصراحة ومن وجهة نظري لا ما بتستاهل ...
لأن ياما أعطيناها شو أعطتنا غير الهم والحزن ....

واذا فكرتي تغيري شيء فيك ماهو عاجبك ايش بكون ؟؟
ما في شي فيي حابه أغيره لأني مقتنعة بنفسي وبشخصيتي ..........

واذا اتمنيتي في هالحظة امنية لمين بتكون وايش هيا؟؟
أمنيتي لأبي .... لو حظيت لحظات من حنانه قبل ما يفارقني .... لكن ما إلنا بالطيب نصيب ....

وكم اقصة حب عشتي سوء من طرف او طرفين ؟؟
أكيد حاكيتا للطير حب حقيقي كانت مرة واحدة .....

موضوع: رد: كرسي الاعتراف 23/12/2007, 10:28

شكراً يا أحلى أسير وكل عام وإنت بخير ........

وهاد أجوبتي .................

شو رايك بعلاقة الصحبة والصداقة بين الشب والبنت (مش الحب ) ؟، وشو الحد اللي مش لازم يتعدا الشب والبنت في هيك علاقة
(يعني الخط الاحمر متل مابحكو )؟؟

رأيي أكيد الصحوبية والصداقة كتير ممتازة ولازمة بين الجنسين
( الشب والبنت )
بس للأسف يا أسير إنه بعض الأعضاء ما بشجعوا الصداقة ...
وبيحكوا بس زمالة أو حب ... ؟
يا عم هاد كله حكي فاضي ولازم ومتل ما حكيت الصداقة لازمة
.... وأكيد بحدود ....
يعني مو صداقة مصلحة .... بل إحترام كل طرف للآخر ....

موضوع: رد: كرسي الاعتراف 23/12/2007, 11:17

انا ما رح اسئل الكونتيسة لان مابدي يجيني يوم

وتحياتي الها

موضوع: رد: كرسي الاعتراف 23/12/2007, 13:24

اولا كل عام وانتي بخير
ثانيا والاهم شو يلي بخليكي تعصبي
وشو يلي بخليكي تهدي من العصبية

موضوع: رد: كرسي الاعتراف 23/12/2007, 14:21

شكراً ساحر .........

إللي بيخليني أعصب لما أشوف أو أسمع شي مو عاجبني ....
وإللي بيخليني أهدي لما أشوف أو أسمع شي عاجبني .... .

موضوع: رد: كرسي الاعتراف 23/12/2007, 19:18

هاي كونتيسه انا ما كنت حاب اسالك بس لما قرات جوابك على سؤال اسير
بس للأسف يا أسير إنه بعض الأعضاء ما بشجعوا الصداقة ...
وبيحكوا بس زمالة أو حب ... ؟

سؤالي هوا انك تحكيلنا مين هما الاعضاء؟؟؟؟؟؟؟؟؟؟؟؟؟؟؟؟؟؟؟؟
وبس
مشكوره

موضوع: رد: كرسي الاعتراف 24/12/2007, 14:14

ماشي يا مسخم .....

إللي من الأعضاء إللي ما بشجعوا الصداقة ....
العضو القلب الطيب .... واللي حكى ما في صداقة .....
زمالة ...أو حب وبس .....
وكمان ملكه ما أيدت الصداقة ... ودمعة حائرة حكت الدين والتقاليد
ما بسمحوا بصداقة الشب والبنت ...
يعني بتسمح بالزمالة ...ههههههههههههههههههههههه

موضوع: رد: كرسي الاعتراف 24/12/2007, 14:23

غيرت رأيي وقررت اسألك يا احلى كونتيسة

1) انت مأمورة سجن وموكلة بسجن واحد من الاعضاء مين بتسجني؟
2) معاكي سلة ورد وفيها ست وردات وحدة حمراء و خمسةبيض لمين بتعطي كل وحدة؟
3) شو اكتر اشي بتندمي عليه والي ما رضيتي تجاوبي عليه في فخر وندامة؟
4) شو اكتر شيء بتكرهي بصحباتكي؟واكتر شيء بتحبي فيهن؟
5) لو كنتي حاكمة لبلدكي شو اول قرار بتتخذي ؟
الاجابة اجبارية على جميع الاسئلة مع الشكر

موضوع: رد: كرسي الاعتراف 26/12/2007, 01:01

ههههههههه ، مشكورة يا كونتيسة على اجوبتك ، وهله ضل عليكي تقرري مين يلي بدو يقعد على الكرسي ، واحنا بنستنا ............تحياتي

موضوع: رد: كرسي الاعتراف 26/12/2007, 13:17

1) انت مأمورة سجن وموكلة بسجن واحد من الاعضاء مين بتسجني؟
ما بسجن حدا لكن إن لزم الأمر أكيد بسجن الطير 2008 ............

2) معاكي سلة ورد وفيها ست وردات وحدة حمراء و خمسة بيض لمين بتعطي كل وحدة؟
أكيد الوردة الحمراء لست الكل ..... " ماما " ..
أما بالنسبة للورد الأبيض ما يكون خمس وردات حهديها لكل عضو بالمنتدى
بس حخصص الخمسة ....
أولا : ميس الريم
تانيا : أسير الإنتقام
تالتا : ملكه الظلام
رابعا: القلب الطيب وروعة بنفس الوردة
خامسا : الإمبراطور

3) شو اكتر اشي بتندمي عليه والي ما رضيتي تجاوبي عليه في فخر وندامة؟
أعذريني ميس ما فيني خبّر ... آسفة كتير ...............

4) شو اكتر شيء بتكرهي بصحباتكي؟واكتر شيء بتحبي فيهن؟
الحمدالله ما بكره شي إلا شغلة وحدة بس وموجودة في وحدة فيكن ... وهي " الأنانية " ..........
الصراحة كل شي ميس لأنه عنجد بتتحبوا

5) لو كنتي حاكمة لبلدكي شو اول قرار بتتخذي ؟
إحترام ذويه الإحتياجات الخاصة ....

لأنه للأسف ما حد في هاالأيام بيحترمهم وبعتبروهم ... مضطهدين ...