كرسي الاعتراف

موضوع: رد: كرسي الاعتراف 7/12/2007, 12:11

هلأ يا جماعة انا قمت عن كرسي الاعتراف

ومشكورين جميعا على تفاعلكم مع الموضوع

وكل الاحترام

موضوع: رد: كرسي الاعتراف 7/12/2007, 12:15

هلأ بدكو تعرفو مين قعد على الكرسي بعدي

مين مين مين مين

مين مين مين

مين

اهه

شوفو مين

يلا شادي

موضوع: رد: كرسي الاعتراف 7/12/2007, 12:26

شادي بدي ابدأمعك

السؤال الاول : بما انك سألتني سؤال غريب شوي (كم مرة حبيت يا قلب طيب)
ليش انت كم وحدة حبيت شادي ( دير بالك انا لا تفهني غلط انا مو قصدي ارد السؤال )

السؤال الثاني : هل انت على علاقة حب

اذا كانت الاجابة لا هل انت ممن يعانون من الفراغ العاطفي

موضوع: رد: كرسي الاعتراف 7/12/2007, 15:50

اهلين شادي وقعت وما حدا سما عليك

شادي كلمه امراه شو بتعنيلك ؟

احكي عنها بشكل عام ومفصل .

موضوع: رد: كرسي الاعتراف 8/12/2007, 09:47

عمرك حبيت عن جد؟

شو اكتر اشي بتحبة قي حالك؟
شو اكتر اشي بتكره كمان قي حالك؟
مين اعز صديق الك؟
مين اكتر واحد بتكره من الي قابلتهم ؟

موضوع: رد: كرسي الاعتراف 8/12/2007, 11:21

وينك يا شادي

لا تهرب من اسئلتهم

بدك تجاوبها بما انك سألت بدك تنسأل

شادي شو أكثر لون بتحبو وشو بيعنيلك يعني باختصار اشرحلي عن اللون

اللي بتحبه

موضوع: رد: كرسي الاعتراف 8/12/2007, 12:56

شادي سؤالي بسيط جداً

إذا بتحب شو أسم البنت اللي بتحبها طبعا بعد البنت اللي أنا وإنت عارفينها
وإنت نسيتها ولا لأ؟؟؟؟؟؟؟؟؟
الطير 2008 حاب يسألك سؤال ...
شو أخبار أهل القدس معك بهالأيام ؟ وكيف كانت الدورة ؟
الكونتيسة :
ما دام خبّرنا الطير إنه جوّك بالقدس ....
إحكيلنا كل شي عنّها مع إنها والله صدمة ما كانت بالحسبان ؟
وميس الريم سؤالها ...
جاوب على أسئلة الكونتيسة
وأسئلة الطير بكل أمانة وصراحة ....
وإلا حطيناك على جهاز كشف الكذب
والله ورطة يا شادي إتلقى ... مني أنا الكونيسة سالي....

موضوع: رد: كرسي الاعتراف 8/12/2007, 17:51

وهسا صار دوري انا وعندي اكمن سؤال خفيفين دم

1- مــــن انـــــــت ...؟؟

2-باقة ورد لمن تهديها ...؟؟

3- باقة شوك لمن تهديها ...؟؟

4- اسوأ خبر سمعته...؟؟

5- شخص لاترفض له طلبا ..؟؟

6- مـــــن يطـــــربك ...؟؟

7- ماهي التجربه التي تتمنى تكرارها ...؟؟

8- من هو توأم روحك ...؟؟

9- ماهو اكثر شئ تخشاه...؟؟

10- مالذي يشعرك بأكثر قدر من الحرج...؟؟

11- نزار شاعر المرأه.... وانت شاعر من ...؟؟

حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

13- جريمه تتمنى ارتكابها...؟؟

14- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟

موضوع: رد: كرسي الاعتراف 9/12/2007, 00:55

بما انو انا على كريب الاعتراف ، راح اعترف واشوف .....

ببلش باسئلة القلب الطيب :

السؤال الاول : بما انك سألتني سؤال غريب شوي (كم مرة حبيت يا قلب طيب)
ليش انت كم وحدة حبيت شادي ( دير بالك انا لا تفهني غلط انا مو قصدي ارد السؤال )
انا بصراحة مطلقة حبيت بمعنى الحب مرة وحده بس وحياتك ياقلب ياطيب

السؤال الثاني : هل انت على علاقة حب
انا لأ وبكل صراحة

اذا كانت الاجابة لا هل انت ممن يعانون من الفراغ العاطفي
في الوقت الحالي لا اعاني ولكن بعد نهاية علاقتي الاولى عشت فترة طويلة وانا اعاني من فراغ عاطفي شديد

موضوع: رد: كرسي الاعتراف 9/12/2007, 01:03

وهله راح اجاوب الامبراطوووور:

شادي كلمه امراه شو بتعنيلك ؟

المرأة يا امبراطور لنم توجد على هذه الحياة عبثا ، والمرأة شيء عظيم جدا ، وانا بالنسبة الي المرأة ممكن في لحظة من اللحظات ما شعرت اني بحاجتها وخاصة بعد القصة اللي صارت معي في علاقتي مع (حواء) ، بس ايقنت تماما بعد هيك اني لازم اغير هذا المبدأ ، لانو في النهاية الانسان لازم يستقر ، وانا بتمنى من الله انو يبعتلي وحده تفهمني وافهمها ، ونعيش الحياة بحلاوتها وبمرارتها .....

تحياتي

موضوع: رد: كرسي الاعتراف 9/12/2007, 01:11

ممممممم ، مبس الريم ، اجا دورك اجاوب على اسألتك :

عمرك حبيت عن جد؟

اها، حبيت ...

شو اكتر اشي بتحبة قي حالك؟

صراحتي
شو اكتر اشي بتكره كمان قي حالك؟عصبيتي
مين اعز صديق الك؟في الكلية : القلب الطيب ، وفي البلد ؟؟؟ ما الي لاني انقرصت من الاصحاب
مين اكتر واحد بتكره من الي قابلتهم ؟لايوجد

موضوع: رد: كرسي الاعتراف 9/12/2007, 01:15

جوابي لسؤالك يا قلب البحر :

شادي شو أكثر لون بتحبو وشو بيعنيلك يعني باختصار اشرحلي عن اللون

اللي بتحبه

بصراحة الون الازرق ، بعنيلي اشياء كثيرة ، ممكن بعنيلي عن التفاؤل بالحياة والهدوء والثقة بالنفس والصراحة والانتقاد البناء

تحياتي

موضوع: رد: كرسي الاعتراف 9/12/2007, 01:24

يا لطيف الطف ، هله كلكو صرتو تتامرو علي ، هههههههه والله ورطة يا جماعه ارحموني

جوابي للسؤال :

انا وبكل صراحة وبالمختصر ، لا الي جو بالقدس ولا شي بس بصراحة اخدت دورة صحافة مع مؤسسة بالقدس وهاي المؤسسة مرتبطة مع مؤسسة في المانيا ، هله البنت اللي من القدس هي مسؤولة بهاي المؤسسة ، وصار بينا اعجاب ، بس في النهاية يا فهمانين ويا مثقفين الحب بختلف عن الحب ، وصار بينا صداقة ، ممكن هي تعلقت فيي وحاولت تعترفلي بحبها بس انا كنت صريح من البداية اني مابدي احب ، الله يسامحكم ، وبالنسبة الك يا طير 2008 حسابك عندي

اما بالنسبة لسؤالك يا كونتيسة عن المحبوبة ، فبعد البنت اللي بتعرفيها ما صار معي اي شي وحياتك وبكل صراحة بحكيها .....

تحياتي للجميع

موضوع: رد: كرسي الاعتراف 9/12/2007, 01:38

دورك يا مسخم وملطم عنجد ذبحتوني :

1- مــــن انـــــــت ...؟؟

انا شادي زماعره مين انا يعني ههههههه

2-باقة ورد لمن تهديها ...؟؟

اهديها لكل اعضاء منتدانا الحبيب

3- باقة شوك لمن تهديها ...؟؟

لكل من يحاول العبث في هذا المنتدى

4- اسوأ خبر سمعته...؟؟

وفاة القائد الشهيد ياسر عرفات

5- شخص لاترفض له طلبا ..؟؟

اعضاء المنتدى بلا استثناء

6- مـــــن يطـــــربك ...؟؟

حسين الجسمي + عمرو ذياب + فضل شاكر

7- ماهي التجربه التي تتمنى تكرارها ...؟؟

الغربة

8- من هو توأم روحك ...؟؟

؟؟؟؟؟؟؟؟؟؟؟؟؟؟؟؟؟؟؟؟

9- ماهو اكثر شئ تخشاه...؟؟

اني احمل مادة الانجليزي

10- مالذي يشعرك بأكثر قدر من الحرج...؟؟

انو واحد يطلب مني مساعده وما اقدر انفذها

11- نزار شاعر المرأه.... وانت شاعر من ...؟؟

انا لست بشاعر

حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

من الحب القديم

13- جريمه تتمنى ارتكابها...؟؟

لا شيء

14- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟

سارسم عليه مجموعة من شجر الصبار المشوك وتخرج من بينها زهرة جميلة

واكتب تحت الصورة ( الألم يصنع الأمل )

تحياتي

موضوع: رد: كرسي الاعتراف 9/12/2007, 15:31

تحياتي واحترامي للجميع ........ اولا
يا شباب ويا صبايا باحلى منتدى ...؟
كلامي للجميع انا حابب
اطلب من شادي طلب ...
ومصر جدا لحتى يلبيلي اياه ... في اقرب وقت وحابب انو الجميع يصر معي على شادي حتى يلبونا هالطلب ...ويلي هوه .؟
>( وضع الكونتيسة محلك يا شادي على كرسي الاعتراف )
بتمنى في هاي الساعة ما حد يرحمها معي في الاسئلة
بصراحة هي كتيير نشيطة بالمنتدى
وتحركاتها اكتيير حلوة
عشان هيك الله لا يوقعك معي يا كونتيسة ؟؟؟؟؟
بكون الله رحمك اذا شادي رفض الطلب ؟؟؟؟؟؟؟؟؟؟
بتمنى اشوف الردود مين بوافقني بالراي ؟
ومين بخالفني ؟؟؟؟؟؟؟؟؟؟؟؟؟؟؟؟؟
اكيد انتي يا ميس الريم ؟؟؟
مع سالي ؟
صح
وينك يابو قلب طيب ؟؟
امبراطور زبطنا حالك ؟؟
شااااااااااااااااااااااااادي انا بدي شادي صحيح اعز صديق

[/img]

موضوع: رد: كرسي الاعتراف 9/12/2007, 18:49

حبيبي شادي بدك تتحملني في هاد السؤال

كيف مر عليك يوم 8/8/2006 وماذا يعني لك هذا اليوم

موضوع: رد: كرسي الاعتراف 9/12/2007, 23:37

بالنسبة الك يا طير 2008 راح افكر بالموضوع ، بس الاختيار برجع الي في النهاية

تحياتي الك يا كبير

موضوع: رد: كرسي الاعتراف 9/12/2007, 23:50

اخ اخ يا قلب ياطيب ، بصراحة انت فتحت علي مواجع ، بس راح اجاوبك :

يوم 8/8/2006 كان اسوأ يوم في حياتي ، لانو اليوم هاد كان يوم الوداع مع رفيقة عمري ، حزنت كثير ويئست كثير ، كرهت الدنيا ، وكرهت بلدي ، وكرهت اهلها ، وكرهت حالي ، عشان هيك في 9/8/2006 سافرت على الاردن وقعدت شهرين تقريبا ، حاولت انسا ، بس للاسف ما قدرت ، قلت بروح على العقبة على البحر ، بلكي بنسا شوي ، بس للاسف لما قعدت على البحر الساعة 1 بالليل ومافي قدامي الا البحر والموج بصراحة صرت ابكي ، وحسيت انو البحر عم يبكي معي ، .............. خلص انا اسف مابقدر اكمل ، لانو جد تقلبت مواجعي من جديد .......

تحياتي للجميع

طبعا بهدي الجميع اغنية (معقول ) لمحمد فؤاد لاني كتبت وانا بسمعها

معقول لا مش معقول ، القلب اللي تمنيتو يا قلبي ، معقول اتمناك ، واللي انت حلمت فيوم بيهم ياقلبي معقول يبقى معالك

موضوع: رد: كرسي الاعتراف 10/12/2007, 16:15

والله يا طيب انك في هالسؤال بطلت طيب

احجرجت الزلمه صحيح انك كشفت جزء من شخصيه شادي ---- بس احرجتا

والطير انا رأي من رأيك ويا ريت يوافق شادي على الكونتيسه

بس يا شادي عندي كمان سؤال اذا ممكن

شو رايك بالصاحب النذل ؟

وصدقا ما بقصد حدا

موضوع: رد: كرسي الاعتراف 10/12/2007, 17:22

حبيبي شادي انت اخي الكبير

وانا اسف جدا

بس ولا يهمك يا كبير راح تلاقي اللي تحبك وتصونك

موضوع: رد: كرسي الاعتراف 11/12/2007, 12:50

مرحبا شادي ....

انا عارف جاي متاخرة على الجلسة ما في مواصلات
وماعندي اسئلة والله الشباب ماخلوا
بس ردودك كانت قوية
انا كنت بدي اضل بعيدة عن هالكرسي بس القلب الطيب بحكيلي ان دوري جاي جاي

موضوع: رد: كرسي الاعتراف 12/12/2007, 23:07

تحياتي للجميع ، والله يا امبراطور الصاحب النذل بدك تتحملو شوي لانو مرات ممكن يكون منيح وصاحب موقف ، على العموم الله يبعدهم عنا ، واهلا وسهلا فيكي يا ملكة الظلام على الكرسي ، وانتي احسن وحده لانك ما سالتي تحياتي للجميع

موضوع: رد: كرسي الاعتراف 12/12/2007, 23:16

واما الان سيداتي سادتي بقدر احكيلكم انو انا اليوم راح اقوم عن كرسي الاعتراف ، وراح يجي واحد يقعد مكاني ،وعشان هيك الشخص اللي راح اختارو هو انسان بعز علي كثير ، واللي بعزك ممكن يعاتبك او يسالك او يصارحك ،( صح يا طير 2008 ) ، وهاد الانسان اللي راح اختارو هوووو (بس مايزعل مني ، واذا بزعل انا راح اراضيه )

3

2

1

*

(كونتيسة سالي ) تفضلي....

موضوع: رد: كرسي الاعتراف 13/12/2007, 12:25

شكراً أسير ... وأنا هلأ مستعدة للأسئلة مين حيبدا

أنا بالإنتظار ...
لما تسألوا خبروني أو إتصلوأ على رقمي ....

موضوع: رد: كرسي الاعتراف 13/12/2007, 12:30

السوال الاول
هل يوجد اي خطوات مستقبلية جديدة للكونتيسة في تغير مسار معين
وما هي
شكرااااااااااااااااا