قصيده بعنوان: في المطعم

موضوع: قصيده بعنوان: في المطعم 7/6/2007, 15:06

قصيدة بعنوان : في المطعم
(حكاية المرأة التي تعشق الموبايل)

اتركيهِ من إيديكِ إتركيهِ
لك حلي عنو بقى هلكتيهِ

واتطلعي فيني العمى بقلبك
صرلك ساعة عم بتكبسي فيهِ

إي شو هو أهم مني لحتى
كل وقتك واهتمامك تعطيهِ

لسا كل مارن بتنطي من أربعتك
وبنشوة عارمة بتفتحيهِ

نفسي أعرف قبل مايصل لعنا
شلون عشتي بلاما تحمليهِ

اللي بيشوفك هيك بيقول حتماً
بتعبديهِ بعد الله بتعبديهِ

يخرب بيتك انشالله وبيت بيتك
ماكنتي تعرفي تشحنيهِ

إذا مابتضبيه بشنتايتك هلأ
بدي كسر المطعم باللي فيهِ

ولك أنا حبيبك شو نسيتي والا
الهَمر نساكي اللي بتحبيهِ

إلهي لموبايلك يبعتله حمى
بإشارته.. ولحسُّه تخفيهِ

وتجي لتشعليه يقلك erorr
وسوفت وير العالم مايشفيهِ

خلص لاتبكي أمري لأ الله
طالعيه من الشنتة واحمليهِ

بس مشان محمد ركزي معي
عم غار منو بس تحضنيهِ

قلك على شغلة أنا قايم أمشي
وإنت خليكي مع اللي بتعشقيهِ

أنا ماشي ورح أدعي من قلبي
روحي إلهي ربي تعدميهِ

بس أوعك تعزميني على عرسك
حاكم مو بعيدة تتجوزيهِ

موضوع: رد: قصيده بعنوان: في المطعم 9/6/2007, 17:43

ههههههههههههههههههه

حلوة.
يعطيكي العافية.

موضوع: رد: قصيده بعنوان: في المطعم 11/6/2007, 19:55

دمر الموبايل هالشاعر
دخلك عاشقة اذا بتعرفيه للشاعر خليه بجي ويسجل في المنتدى
هههههههههههه

موضوع: رد: قصيده بعنوان: في المطعم 30/6/2007, 11:55

وانا بعطيه منتدى خواطر كله
بس يجيجي ويتحفنا
كل الشكر والاحترام مني ابووسام
منتدى همس القوافي
قلب البحر

موضوع: رد: قصيده بعنوان: في المطعم 30/6/2007, 11:57

ههههههههههههههههههه
احلى ابو وساام
عامل فيها اكرم خزام

موضوع: رد: قصيده بعنوان: في المطعم 13/7/2007, 14:15

هههههههههههههههههههه

دمرني هادا الشاعر

هههههههههههههههههههه